सुनको मूल्य बढ्यो, कतिमा हुँदैछ कारोबार ?

समाचार सुन्नुहोस :

काठमाडौँ –  नेपाली बजारमा सोमबार सुनको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ५ सय रुपैयाँले बढेर एक लाख ८४ हजार ६०० रुपैयाँ पुगेको छ। अघिल्लो दिन अर्थात् आइतबार सुन प्रतितोला एक लाख ८४ हजार १०० रुपैयाँमा कारोबार भएको थियो।

त्यसैगरी चाँदीको मूल्य भने स्थिर देखिएको छ। आइतबारको जस्तै आज पनि चाँदी प्रतितोला १ हजार ९१० रुपैयाँमै कारोबार भइरहेको महासंघले जानकारी दिएको छ।