समाचार सुन्नुहोस :
काठमाडौँ – सन् २०२५ को अप्रिल महिनामा हालसम्मकै सबैभन्दा धेरै विदेशी पर्यटक नेपाल आएका छन्। नेपाल पर्यटन बोर्डका अनुसार यो महिनामा कुल १ लाख १६ हजार ४९० पर्यटकले नेपाल भ्रमण गरेका छन्। यो बोर्डका अनुसार सन् २०१९ को तुलनामा १०६ दशमलव ५ प्रतिशतले विदेशी पर्यटक आगमनमा बढोत्तरी भएको छ। यसरी नेपालले पर्यटक आगमनको नयाँ कीर्तिमान बनाएको बोर्डले जानकारी दिएको हो।
अप्रिलमा सबैभन्दा बढी भारतबाट २५ हजार ९३३ पर्यटक आए भने अमेरिकाबाट १० हजार ५३, चीनबाट ९ हजार ३७, र बेलायतबाट ६ हजार ८३८ पर्यटक आएका थिए। यद्यपि भारतीय र चिनियाँ पर्यटकको संख्या अघिल्ला वर्षको तुलनामा उल्लेखनीय रुपमा बढ्न सकेको छैन।
यस रेकर्डले नेपालको पर्यटन पुनरुत्थानको संकेत दिएको छ भने आगामी दिनमा अझ प्रभावकारी प्रचार र पूर्वाधार विकासमार्फत पर्यटन क्षेत्रलाई थप सुदृढ बनाउन सकिने सम्भावना देखिएको छ।
