टोकियो – जापानलाई कर्मथलो बनाउँदै आएकी गायिका ऋतु थापा मगरको नयाँ लोकदोहोरी गीत ‘तिम्रो माया’ सार्वजनिक भएको छ । गायक ऋषि खड्कासँगको युगल स्वरमा सजिएको गीत ऋतु थापा मगरको आधिकारिक युट्युब च्यानलमार्फत सार्वजनिक गरिएको हो ।
गीतको शब्द र संगीत पनि ऋषि खड्काकै रहेको छ भने एरेञ्ज एचबिएन किस्मतले गरेका हुन् । प्रेमभावनाले भरिएको गीतमा सरल तथा प्रेमिल शब्द र कर्णप्रिय धुन समेटिएकाले दर्शक तथा श्रोताको मन जित्ने विश्वास लिइएको छ ।
‘तिम्रो माया’ को म्युजिक भिडियो जापानमै छायांकन गरिएको हो । तेजेन्द्र भण्डारीको निर्देशनमा तयार भएको भिडियोमा सुरज अर्याल, दीपा थापा मगर, मनोज भण्डारी र गायिका ऋतु थापा मगरको अभिनय देख्न सकिन्छ ।
विदेशी भूमिमा नेपाली कला-संगीतको प्रवर्धन गर्ने उद्देश्यले निर्माण गरिएको गीतले प्रवासमा बसेर पनि मौलिक संस्कृति जगेर्ना गर्न सकिन्छ भन्ने सन्देश दिन खोजिएको छ ।
