अब लाइसेन्स ५ वर्षमा नविकरण गर्नु नपर्ने, अवधि १० वर्ष

समाचार सुन्नुहोस : 

काठमाडौँ – अब सवारी चालक अनुमतिपत्र (लाइसेन्स)को अवधि दोब्बर हुने भएको छ। प्रतिनिधि सभाले पारित गरेको केही नेपाल ऐन संशोधन विधेयक अनुसार, अब सवारी लाइसेन्स १० वर्षसम्म मान्य हुने भएको हो।

हाल लागू हुँदै आएको सवारी तथा यातायात व्यवस्था ऐन, २०४९ मा चालक अनुमतिपत्रको अवधि ५ वर्ष मात्र तोकिएको थियो। तर, संशोधनपछि ऐनको दफा ५४ को उपदफा ३ मा उल्लेखित ५ वर्षको अवधि हटाएर १० वर्ष बनाइएको हो।

यस निर्णयसँगै सवारी लाइसेन्स नविकरणको झन्झट घट्ने विश्वास गरिएको छ। ऐन संशोधनसँगै दीर्घकालीन वैधता पाएका लाइसेन्सले यातायात प्रशासनमा समेत सहजता ल्याउने अपेक्षा गरिएको छ।