समाचार सुन्नुहोस :
काठमाडौँ – रुसी राष्ट्रपति भ्लादिमिर पुटिनले युक्रेनविरुद्ध चलिरहेको युद्धमा तीन दिन (८ मे देखि ११ मेसम्म) का लागि अस्थायी युद्धविरामको घोषणा गरेका छन्। पुटिनले दोस्रो विश्वयुद्धको समाप्तिको ८०औँ वर्षगाँठको अवसरमा युक्रेनसँग युद्धविराम घोषणा गरेका हुन् ।
रुसी सरकारले युद्धविरामको पालना गर्न युक्रेनलाई आग्रह गर्दै यदि युक्रेनी सेनाले यसलाई उल्लंघन गरेमा कडा जवाफी कारबाही गर्ने चेतावनी पनि दिएको छ। यसैबीच, युक्रेनी सरकारले अहिलेसम्म युद्धविरामको बारेमा आधिकारिक प्रतिक्रिया भने दिएको छैन। रुसले युक्रेनी संकटको दीर्घकालीन समाधानका लागि बिनाशर्त वार्तामा सहभागी हुने इच्छा जनाएको छ भने अन्तर्राष्ट्रिय सहयोगीहरूसँग पनि कूटनीतिक समाधानको प्रयास गर्न तयार रहेको बताएको छ।
यसभन्दा अघि, इस्टरको अवसरमा रुसले ३० घन्टाको युद्धविराम घोषणा गरेको थियो। तर, त्यसबेला दुवै देशले एकअर्कामाथि युद्धविराम उल्लंघनको आरोप लगाएका थिए।
