नेप्से परिसूचकमा दोहोरो अङ्कको गिरावट

समाचार सुन्नुहोस : 

काठमाडौँ – नेपाल स्टक एक्सचेन्ज (नेप्से) परिसूचक आज दोहोरो अङ्कले ओरालो लागेको छ। नेप्से सूचक १४.५३ अङ्कले घटेर २,६४७.७ विन्दुमा झरेको छ।

आज ३२७ कम्पनीका दुई करोड ३६ लाख ८९ हजार ७१ कित्ता शेयरहरू किनबेच भएका छन्। ७६ हजार ९९८ पटकको कारोबारमार्फत कुल आठ अर्ब ९१ करोड २८ लाख ४३ हजार रुपैयाँ बराबरको कारोबार सम्पन्न भएको छ।

समूहगत कारोबार हेर्दा वित्त समूह एक दशमलव ४० प्रतिशत र व्यापार समूह शून्य दशमलव ४२ प्रतिशतले वृद्धि भएको छ। बाँकी सबै समूहका उपसूचकहरूमा गिरावट देखिएको छ। जसमा लगानी समूहको उपसूचक सबैभन्दा बढी अर्थात् दुई दशमलव १४ प्रतिशतले घटेको छ।