आज मन्त्रिपरिषद् बैठक बस्दै

समाचार सुन्नुहोस : 

काठमाडौँ – प्रधानमन्त्री निवास बालुवाटारमा आज अपराह्न पाँच बजे मन्त्रिपरिषद्को बैठक बस्ने भएको छ। प्रधानमन्त्रीको सचिवालयका अनुसार बैठकमा हाल देशभरि चर्चामा रहेको शिक्षक आन्दोलन, गभर्नर नियुक्ति र नेपाल प्रहरीमा अतिरिक्त महानिरीक्षक नियुक्ति जस्ता महत्त्वपूर्ण विषयमा छलफल हुने अपेक्षा गरिएको छ।

काठमाडौंमा २६ दिनदेखि जारी शिक्षक आन्दोलनबारे सरकारले अन्ततः केही निर्णय लिएको छ। अर्कोतर्फ, गभर्नर नियुक्तिका सम्बन्धमा सत्तारुढ कांग्रेस र एमालेबीच देखिएको विवाद शनिबार बालुवाटारमा दुवै पार्टीका शीर्ष नेताहरुबीच सहमति भएपछि केही हल भएको संकेत देखिएको छ।

यसैबीच, नेपाल प्रहरीको अतिरिक्त महानिरीक्षक (एआईजी) नियुक्तिबारे पनि आजको मन्त्रिपरिषद् बैठकमा निर्णय हुन सक्ने सचिवालयले जानकारी दिएको छ।