सुनको मूल्य बढयो, चाँदी घट्यो

समाचार सुन्नुहोस : 

काठमाडौँ – आज स्थानीय बजारमा सुनको मूल्यमा वृद्धि भएको छ। अघिल्लो साताको अन्तिम कारोबार दिन शुक्रबार १ लाख ८९ हजार ६०० रुपैयाँमा कारोबार भएको सुन आज सय रुपैयाँले बढेर प्रतितोला १ लाख ८९ हजार ७०० रुपैयाँ पुगेको हो।

चाँदीको मूल्यमा भने गिरावट देखिएको छ। शुक्रबार २ हजार रुपैयाँमा कारोबार भएको प्रतितोला चाँदी आज १० रुपैयाँ घटेर १ हजार ९९० रुपैयाँमा झरेको नेपाल सुन-चाँदी व्यवसायी महासंघले जानकारी दिएको छ।