आन्दोलनबाट घर फर्किरहेका शिक्षकहरू चढेको रात्रिबस दुर्घटना, १६ जना घाइते

समाचार सुन्नुहोस : 

काठमाडौँ – काठमाडौँबाट झापा गइरहेको एक यात्रुबाहक रात्रिबस आज बिहान दुर्घटनामा परेको छ। प्रदेश १–०१–००१–ख४२ नम्बरको उक्त बस झापाको शिवसताक्षी नगरपालिका–९ अन्तर्गत पूर्व–पश्चिम राजमार्गको दूधे क्षेत्रमा बिहान ५:३० बजे दुर्घटनामा परेको हो।

दुर्घटनामा काठमाडौंमा जारी शिक्षक आन्दोलनबाट घर फर्किरहेका १६ जना शिक्षक घाइते भएको घाइतेमध्येका शिक्षक लीलाप्रसाद भण्डारीले जानकारी दिए। घाइतेहरूलाई विर्तामोडस्थित बिएन्डसी हस्पिटल र बिर्तासिटी हस्पिटलमा उपचार भइरहेको र तीमध्ये शिक्षक गोपाल खतिवडाको अवस्था गम्भीर रहेको छ ।

प्रहरीका अनुसार, बस अनियन्त्रित भएर दुर्घटनामा परेको हो। घटनापछि बसका चालक महेन्द्र कन्दङ्वालाई प्रहरीले नियन्त्रणमा लिएको छ।