सिन्धुपाल्चोकको फुल्पिंकोट केन्द्रबिन्दु भएर भूकम्प गयो

समाचार सुन्नुहोस : 

काठमाडौँ – सिन्धुपाल्चोक जिल्लाको फुल्पिंकोट क्षेत्रमा आज पुनः भूकम्प गएको छ। राष्ट्रिय भूकम्प मापन तथा अनुसन्धान केन्द्र, लैनचौरले जनाएअनुसार बिहान ठीक ११:५७ बजे फुल्पिंकोट आसपास केन्द्रबिन्दु भएर ४.१ रेक्टर स्केलको भूकम्प गएको हो।

यसअघि पनि देशका विभिन्न स्थानमा भूकम्पको गतिविधि देखिएको थियो। हिजो साँझ ७:३४ बजे पनि रुकुमको रन्मामैकोट क्षेत्र केन्द्रबिन्दु भएर ४.२ रेक्टर स्केलको भूकम्प मापन गरिएको थियो।

लगातार भइरहेका यी भूकम्पीय गतिविधिहरूले जनसाधारणमा ठुलो त्रास बढाएको छ।