गाजामा इजरायली हमला जारी, एकै दिन ५० जनाको मृत्यु

समाचार सुन्नुहोस : 

काठमाडौँ – गाजा क्षेत्रमा इजरायली हमलाहरू लगातार जारी छन्। बिहीबारको मात्र एक दिनमा ५० भन्दा बढी प्यालेस्टिनीले ज्यान गुमाएका छन्। गाजाका स्वास्थ्य अधिकारी तथा राहातकर्मीहरूलाई उद्धृत गर्दै बीबीसीले यो समारचार प्रकाशित गरेको छ। उत्तरी गाजास्थित जबालिया शहरको बजारमा बिहानीपख प्रहार गरिएको मिसाइलका कारण ९ जनाको मृत्यु भएको अस्पताल स्रोतले जनाएको छ।

इजरायली रक्षा बल (आईडीएफ) ले जबालियामा रहेको हमास तथा प्यालेस्टिनी इस्लामिक जिहाद समूहको ‘कमान्ड एन्ड कन्ट्रोल सेन्टर’ लाई लक्षित गर्दै आक्रमण गरिएको बताएको छ। यो स्थानलाई हमासले आक्रमणको योजना बनाउनका लागि प्रयोग गर्दै आएको जनाएको छ।