रघुजी पन्तले लिए शिक्षामन्त्रीको रूपमा शपथ ग्रहण

समाचार सुन्नुहोस : 

काठमाडौँ – शिक्षामन्त्रीको रूपमा नवनियुक्त रघुजी पन्तले बिहीबार पद तथा गोपनीयताको शपथ लिएका छन्। शीतल निवासमा आयोजित विशेष समारोहमा राष्ट्रपति रामचन्द्र पौडेलले उनलाई औपचारिक रूपमा शपथ ग्रहण गराएका हुन्।

प्रधानमन्त्री केपी शर्मा ओलीको सिफारिसमा राष्ट्रपति पौडेलले बुधबार पन्तलाई शिक्षा, विज्ञान तथा प्रविधि मन्त्रीमा नियुक्त गरेका थिए। पन्तले पूर्वमन्त्री विद्या भट्टराईको स्थान लिएका हुन्। गत ८ वैशाखमा विद्या भट्टराईले मन्त्री पदबाट राजीनामा दिएकी थिइन्।