रघुजी पन्त शिक्षामन्त्रीमा नियुक्त

समाचार सुन्नुहोस : 

काठमाडौँ – नेकपा (एमाले)का सांसद रघुजी पन्त शिक्षा, विज्ञान तथा प्रविधि मन्त्रीमा नियुक्त भएका छन्। प्रधानमन्त्री केपी शर्मा ओलीको सिफारिसमा राष्ट्रपति रामचन्द्र पौडेलले पन्तलाई शिक्षामन्त्रीको जिम्मेवारी दिएको राष्ट्रपतिको कार्यालयले जनाएको छ।

नव नियुक्त मन्त्री पन्तले पूर्व शिक्षामन्त्री विद्या भट्टराईको स्थान लिएका हुन्। भट्टराईले सोमबार मात्र पदबाट राजीनामा दिएकी थिइन्। उनको राजीनामाको दुई दिनपछि पन्तलाई मन्त्रिपरिषद्मा समेटिएको हो।

अनुभवी नेता पन्त यसअघि पनि विभिन्न सरकारी भूमिकामा रहेर काम गरिसकेका छन्। अहिलेको नियुक्तिलाई ओली नेतृत्वको सरकारले शिक्षा क्षेत्रमा नीतिगत स्थायित्व र सुधारको संकेतका रूपमा लिएको बताइएको छ।