टामाची स्टेशनमा काम सकिएपछि रेल सेवा पुनः सुचारु

टोकियो – जापानको राजधानी टोकियोको व्यस्त यामानोते र केइहिन-तोहोको लाइनहरूमा आइतवार रेल सेवा पुनः सञ्चालनमा आएको छ । यो सेवा एक नयाँ मार्ग निर्माणका लागि गरिएको ट्र्याक सर्ने कामका कारण २४ घण्टाभन्दा बढी समयसम्म बन्द भएको थियो, जसका कारण करिब ५ लाख ५० हजार मानिस प्रभावित भएका थिए  ।

पूर्वी जापान रेलवे कम्पनी (JR East) ले शनिबारदेखि डेढ दिनसम्म तामाची स्टेशनमा प्लेटफर्म विस्तार गर्ने काम गर्‍यो र नजिकैका ट्र्याकहरू सारेर केन्द्रीय टोकियो र हानेडा विमानस्थललाई प्रत्यक्ष रूपमा जोड्ने नयाँ रेलमार्गको निर्माणका लागि तयारी गरेको हो ।

कम्पनीले जानकारी दिएको अनुसार, यो नयाँ मार्ग २०३१ अप्रिलदेखि सुरु हुने जापानी आर्थिक वर्षमा सञ्चालनमा ल्याउने लक्ष्य राखिएको छ ।