आइतबार सुनचाँदीको मूल्य स्थिर, आज कतिमा हुँदैछ कारोबार ?

समाचार सुन्नुहोस : 

काठमाडौँ – आइतबार नेपाली बजारमा सुन र चाँदीको मूल्यमा कुनै परिवर्तन देखिएको छैन। अघिल्लो कारोबार दिन शुक्रबार ८०० रुपैयाँले घटेको सुनको मूल्य आज स्थिर रहँदै कारोबार भइरहेको छ। नेपाल सुनचाँदी व्यवसायी महासंघका अनुसार, आइतबार छापावाला सुनको मूल्य तोलाको १ लाख ८९ हजार ८०० रुपैयाँ कायम गरिएको छ, जुन शुक्रवारको मूल्यमै यथावत् राखिएको हो।

चाँदीको मूल्य पनि स्थिर रहँदै तोलाको १ हजार ९६० रुपैयाँमा कारोबार भइरहेको छ। शुक्रबार पनि यही मूल्यमा चाँदी किनबेच भएको थियो।

नेपालमा सुनचाँदीको मूल्य निर्धारण अन्तर्राष्ट्रिय बजारको दरको आधारमा हुने गर्छ। आजको अन्तर्राष्ट्रिय बजार मूल्यअनुसार सुन प्रतिऔंस ३,३१५.१३ अमेरिकी डलर र चाँदी ३२.४ अमेरिकी डलरमा कारोबार भइरहेको छ।