२५ जना सदस्यसहित नेपाल आईपुगिन् देवी प्रतिभा

समाचार सुन्नुहोस : 

काठमाडौँ – विश्व प्रसिद्ध कथा वाचिका देवी प्रतिभा नेपाल आएकी छिन् । उनी गण्डकी शत कुण्डीय गायत्री कोटिहोमका लागि पोखरा पुगेकी छिन् । मानवसेवा फाउन्डेसनका संस्थापक विजय कृष्ण मूर्तिका अनुसार देवी प्रतिभाले आजै उक्त धार्मिक कार्यक्रममा कथा वाचनको समुद्घाटन गर्नेछिन्।

१४ दिनसम्म चल्ने यस कोटिहोममा उनले निरन्तर कथा सुनाउने कार्यक्रम रहेको छ। देवी प्रतिभा आफ्नो २५ सदस्यीय टोलीसहित पोखरा आएकी हुन्। उनको टिममा पहिला जस्तै सुरक्षा गार्ड र आफ्नै बाद्ययबादनको समुह समेत रहेको छ ।

यसैबीच, प्रसिद्ध प्रवचनकर्ता शितकृष्ण महाराज पनि पोखरामा उपस्थित भइसकेका छन्। हिजो मात्र पोखरा पुगेका महाराजले आजको समुद्घाटन कार्यक्रममा प्रवचन दिने कार्यक्रम रहेको आयोजकले जानकारी दिएको छ।