आज घट्यो सुनको भाउ, चाँदी भने स्थिर

समाचार सुन्नुहोस : 

काठमाडौँ – शुक्रबार नेपाली सुन बजारमा सामान्य गिरावट देखिएको छ। नेपाल सुनचाँदी व्यवसायी महासंघका अनुसार सुनको मूल्य अघिल्लो दिनको तुलनामा प्रति तोला ८०० रुपैयाँले घटेको हो।

आज शुक्रबार छापावाल सुनको मूल्य तोलाको १ लाख ८९ हजार ८०० रुपैयाँ कायम गरिएको छ। बिहीबार भने तोलामा १ लाख ९० हजार ६०० रुपैयाँ कायम भएको थियो। यद्यपि, यो मूल्य अझै पनि हालसम्मकै उच्च बिन्दुमा रहेको छ।

चाँदीको मूल्य भने स्थिर नै रहेको छ। बिहीबार तोलाको १ हजार ९६० रुपैयाँ कायम भएको चाँदीको दर शुक्रबार पनि परिवर्तन नभई यथावत् रहेको छ।