भारतको ग्वालियरस्थित होटलमा देह व्यापार, नेपाली महिला सहित पक्राउ

समाचार सुन्नुहोस : 

काठमाडौँ – भारतको ग्वालियरस्थित एक होटलमा अवैध देह व्यापार भइरहेको सूचना पाएपछि स्थानीय प्रहरीले छापा मारेको छ। भारतीय सञ्चारमाध्यमहरूका अनुसार, कैलाश नगरमा रहेको “स्मार्ट हवेली इन” नामक होटलमा गरिएको छापामा प्रहरीले होटलकी नेपाली मूलकी महिला म्यानेजरसहित दुई ग्राहकलाई पक्राउ गरेको छ। यद्यपि पक्राउ परेकी नेपाली युवतीको पहिचान हालसम्म गोप्य राखिएको छ।

घटनास्थलबाट थप छजना युवतीहरू फेला परेका छन्, जसको प्रहरीद्वारा बयान लिइएको छ। प्रहरीका अनुसार होटल सञ्चालक दीपक शर्माको खोजी भइरहेको छ र उनी फरार छन्।

प्रहरीले देह व्यापारसम्बन्धी मुद्दामा होटल सञ्चालक, मेनेजर तथा पक्राउ परेका ग्राहकहरूविरुद्ध उजुरी दर्ता गरी कानुनी प्रक्रिया अगाडि बढाएको जनाएको छ। घटनाको थप अनुसन्धान भइरहेको छ।