पूर्व प्रहरी महानिरीक्षक प्रदीप शम्शेर राणाको निधन

समाचार सुन्नुहोस : 

काठमाडौँ – पूर्व प्रहरी महानिरीक्षक प्रदीप शम्शेर राणाको ७८ वर्षको उमेरमा निधन भएको छ । उनको देहावसान शनिबार राति भएको हो । उनका सुपुत्र दीप शम्शेर राणाले आफ्ना पिताको निधनको दुःखद खबर सार्वजनिक गरेका छन् । राणाको आजै ११ बजे पशुपति आर्यघाटमा अन्त्येष्टि गरिने छ ।

प्रदीप शम्शेर राणा नेपाल प्रहरीको इतिहासमा महत्वपूर्ण व्यक्तित्व हुन् । उनले वि.सं. २०५७ असोजदेखि २०५९ पुससम्म प्रहरी महानिरीक्षकको जिम्मेवारी सफलतापूर्वक निर्वाह गरेका थिए । उनको निधनले देशले एक अनुभवी प्रहरी अधिकारी र प्रशासक गुमाएको छ ।