प्रसाईंसँगै उनका अङ्गरक्षक पनि पक्राउ

समाचार सुन्नुहोस : 

काठमाडौँ – प्रहरीले मेडिकल व्यवसायी तथा ‘राष्ट्र, राष्ट्रियता, धर्म, संस्कृति र नागरिक बचाउ महाभियान’का संयोजक दुर्गा प्रसाईं र उनका अंगरक्षक दीपक खड्कालाई नियन्त्रणमा लिएको छ।

दुबै जनालाई झापाको भद्रपुरबाट नियन्त्रणमा लिएर आवश्यक अनुसन्धानका लागि काठमाडौँ ल्याइँदै गरेको प्रहरी प्रवक्ता दिनेश कुमार आचार्यले जानकारी दिए ।

चैत १५ गते काठमाडौंको तीनकुनेमा भएको हिंसात्मक प्रदर्शनमा संलग्न रहेको आरोपमा राज्यविरुद्धको अपराध र संगठित आपराधिक क्रियाकलापमा संलग्न भएको अभियोगमा दुवै जनालाई पक्राउ गरिएको उनको भनाइ छ । प्रसाईं सो घटनापछि भारत फरार भएका थिए ।