डोटीमा चट्याङ लागेर एक जनाको मृत्यु, सात जना घाइते

समाचार सुन्नुहोस : 

काठमाडौँ – डोटीको सायल गाउँपालिका–६ दल्लेखमा गए राति परेको चट्याङका कारण एक महिलाको ज्यान गएको छ भने सात जना घाइते भएका छन्। जिल्ला प्रहरी कार्यालयका प्रहरी उपरीक्षक विनोद शर्माका अनुसार स्थानीय लहरी नागरीको घरमा चट्याङ पर्दा उनकी ३३ वर्षीया श्रीमती कमला नागरीको मृत्यु भएको छ।

यस घटनामा मृतक नागरीकी १० वर्षीया छोरी तारा, ८ वर्षका छोरा अविषेक, ६ वर्षका छोरा अवि, तथा तीन महिनाका छोरा शङ्कर नागरी घाइते भएका छन्। त्यसैगरी, सोही स्थानका ४० वर्षीया तारा नागरी, ८० वर्षीया काली दमाईं र भीम नागरीकी ६ वर्षीया छोरी खुसी नागरीसमेत चट्याङ लागेर घाइते भएको प्रहरी उपरीक्षक शर्माले जानकारी दिए।