समाचार सुन्नुहोस :
काठमाडौँ – नेपाली बजारमा सुनको मूल्यमा पुनः भारी वृद्धि भएको छ। नेपाल सुनचाँदी व्यवसायी महासंघका अनुसार आज (बिहीबार) सुन प्रतितोला ५ हजार ७ सय रुपैयाँले बढेर १ लाख ८१ हजार १ सय रुपैयाँ पुगेको छ। यो मूल्य अहिलेसम्मकै उच्च हो।
यसअघि गत शुक्रबार सुनको मूल्य १ लाख ८० हजार ३ सय रुपैयाँ पुगेको थियो, जुन त्यसबेला को रेकर्ड मूल्य मानिएको थियो। तर आजको वृद्धि संगै नयाँ रेकर्ड कायम भएको हो। सुनसँगै चाँदीको मूल्य पनि बढेको छ। अघिल्लो दिन १ हजार ८३५ रुपैयाँमा कारोबार भएको चाँदी आज ६५ रुपैयाँले बढेर प्रतितोला १ हजार ९ सय रुपैयाँमा पुगेको छ।
वैश्विक बजार, डलरको भाउ, तथा माग-आपूर्तिको अवस्थाले यस्ता मूल्यवृद्धिमा प्रभाव पार्ने व्यवसायीहरू बताउँछन्। यस्ता लगातार वृद्धिले नेपाली बजारमा गहना किन्ने र बेच्ने दुबै पक्षमा असर पर्ने देखिएको छ।
