समाचार सुन्नुहोस :
काठमाडौँ – नेपालमा सुनको मूल्यमा लगातार गिरावट जारी छ। आज पनि सुन प्रतितोला ४०० रुपैयाँले घट्दै, मूल्य एक लाख ७३ हजार ४ सय रुपैयाँमा झरेको नेपाल सुनचाँदी व्यवसायी महासंघले जनाएको छ।
पछिल्ला तीन दिनमा मात्र सुनको मूल्यमा कुल ६ हजार ५ सय रुपैयाँको गिरावट आएको छ। शुक्रबार ३,९०० रुपैयाँले घटेको सुन आइतबार १,९०० र सोमबार ७०० रुपैयाँले ओरालो लागेको थियो।
गत बिहीबार सुनले ऐतिहासिक उचाइ छुंदै तोलाको एक लाख ८० हजार ३ सय रुपैयाँ छोएको थियो, जुन हालसम्मकै सबैभन्दा उच्च मूल्य थियो।त्यहीँ बेला चाँदीको मूल्य भने स्थिर देखिएको छ। आज पनि चाँदी प्रतितोला १,८३० रुपैयाँमै कायम रहेको महासंघको जानकारी छ।
सुनचाँदीको मूल्यमा यस्ता उतारचढाव यसअघि पनि देखिएका थिए। मंसिरको तेस्रो सातामा भन्सारदरमा गरिएको कटौतीका कारण दुई दिनमै सुनको मूल्य १८,५०० रुपैयाँले घटेको थियो। त्यसयता बजारमा फेरि मूल्यवृद्धि देखिएको हो।
