शेयरबजारमा पहिरो, ३२ अंकले घट्यो नेप्से

समाचार सुन्नुहोस : 

काठमाडौँ – साताको पहिलो कारोबार भएको दिन सोमबार शेयरबजारमा पहिरो गएको छ। कारोबार सुरु हुँदा सामान्य वृद्धि देखिएको बजार दिनको अन्त्यसम्म आइपुग्दा नराम्ररी ओरालो लागेको हो। नेपाल स्टक एक्सचेन्ज (नेप्से) सूचक ३२.३५ अंकले घट्दै २६७०.९४ बिन्दुमा थामिएको छ। बजारमा आएको यस गिरावटसँगै लगानीकर्ताहरूले ठूलो क्षति व्यहोर्नुपरेको छ।

यसदिन २ सय २१ कम्पनीको शेयरमूल्य घटेको छ भने जम्मा २३ कम्पनीका लगानीकर्ताले नाफा कमाउन सफल भएका छन्। बजार समग्रमा ओरालो लागे पनि आत्मनिर्भर लघुवित्त वित्तीय संस्थाको शेयरमूल्य भने उल्लेखनीय रूपमा बढेको छ। उक्त कम्पनीको शेयर प्रतिकित्ता ६० रुपैयाँले बढेको नेपाल स्टक एक्सचेन्जले जनाएको छ।

सोमबारको कारोबारमा कूल ५ अर्ब ६५ करोड रुपैयाँ बराबरको शेयर किनबेच भएको हो।