सुदूरपश्चिमेली समाज सेन्दाईको अध्यक्षमा गणेश चन्द चयन

टोकियो – सुदूरपश्चिमेली समाज जापानको क्षेत्रीय शाखा (सेन्दाई)को पाचौं अधिवेशन सम्पन्न भएको छ । सेन्दाईमा आइतबार सम्पन्न अधिवेशनले गणेश चन्दको अध्यक्षतामा १५ सदस्यीय कार्यसमितिको चयन गरेको हो ।

समितिको उपाध्यक्षमा कपिलसिंङ प्वालकी र महेन्द्र ऐर चयन भएका छन् भने सचिवमा सुरेश रावल, कोषाध्यक्षमा गंगा जोशी चयन भएका छन् । कार्यसमितिको सदस्यहरूमा क्रमशः उद्धव चन्द, दिवाकर जोशी, गणेश विष्ट, प्रशान्त धामी, गंगा साउद, राजेन्द्र साउद, दिनेश क्षेत्री, कपिलदत्त भट्ट, नरेन्द्र महरा र मञ्जु जोशीलाई चयन गरिएको छ ।

संस्थाको सल्लाहकारमा विनोद चन्द साथै संरक्षकमा रमेश भट्टलाई चयन गरिएको पनि सुदूर पश्चिमेली समाज सेन्दाईले जनाएको छ । कार्यसमितिले क्यान्सर पीडित अप्सरा बचाउ अभियानलाई आर्थिक सहयोग गर्ने निर्णयसमेत गरेको छ ।