रवि लामिछाने भैरहवा कारागार चलान

समाचार सुन्नुहोस : 

काठमाडौँ – बुटवलको सुप्रिम सहकारी प्रकरणमा मुद्दा चलिरहेका राष्ट्रिय स्वतन्त्र पार्टी (रास्वपा) का सभापति रवि लामिछानेलाई अदालती प्रक्रिया पूरा गरी भैरहवा कारागार चलान गरिएको छ। जिल्ला प्रहरी कार्यलय रुपन्देहीले उनलाई सोमबार नै कारागार पठाएको हो।

जिल्ला प्रहरी कार्यलयका डीएसपी सुरज कार्कीले समुद्रपारी डट कमलाई जानकारी दिँदै भने, “सबै अदालती प्रक्रिया पूरा गरी उनलाई कारागार पठाइएको छ। अर्को आदेश नआउँदासम्म उनी भैरहवा कारागारमै रहनेछन्।”

उच्च अदालत तुलसीपुरको बुटवल इजलासले थुनामा राख्ने आदेश दिएपछि लामिछानेलाई शुक्रबार काठमाडौँबाट पक्राउ गरिएको थियो। उनलाई शनिबार विमानमार्फत भैरहवा ल्याइएको थियो। यसै प्रकरणमा मुछिएका पूर्व डीआईजी छविलाल जोशी पनि भैरहवा कारागारमा नै रहेका छन्।