कुलमानको पक्षमा काठमाडौंमा प्रदर्शन

समाचार सुन्नुहोस : 

काठमाडौँ – नेपाल विद्युत प्राधिकरणका पूर्वकार्यकारी निर्देशक कुलमान घिसिङको पुनर्बहालीको माग गर्दै आइतबार काठमाडौंमा प्रदर्शन गरिएको छ। ‘कुलमान घिसिङ पुनर्बहाली संयुक्त आन्दोलन परिचालन समिति’को ब्यानरमा आयोजित प्रदर्शनमा सहभागीहरूले ठूलो संख्यामा र्याली निकालेका थिए।

प्रदर्शनकारीहरूले घिसिङलाई “उज्यालो नेपालका नायक” भन्दै प्लेकार्ड बोकेका थिए भने कतिपयले उनलाई “कार्यकारी राष्ट्रपति बनाउनुपर्छ” भन्ने मागसहितका नारासमेत प्रकट गरेका थिए। र्यालीमा सहभागीहरूको उत्साहजनक उपस्थिति रहेको थियो। घिसिङको नेतृत्वमा लोडसेडिङ अन्त्य भएको योगदानको स्मरण गर्दै उनको पुनर्बहालीको माग गरिएको थियो।