टोकियो – दाेलखा समाज जापानकाे पाँचाैं अधिवेशन आइतबार टोकियोमा सम्पन्न भएकाे छ । उक्त अधिवेशनबाट अध्यक्षमा सन्जिब पोखरेल सर्वसम्मत चयन भएका छन्।
पोखरेलको अध्यक्षतमा चयन भएकाे नयाँ कार्यसमितिकाे वरिष्ठ उपाध्यक्षमा महेन्द्र राउत र उपाध्यक्षहरूमा श्री खड्का, नारायण खड्का, मनोज श्रेष्ठ र अन्जन बस्नेत चयन भएको निर्वाचन कमिटिका संयोजक गिरबहादुर तामाङले बताए । त्यसैगरि समाजको महासचिवमा अनुप खड्का, सचिवहरुमा तिलराज खतिवडा, सिर्जना थापा, शिव ओली र कोषाध्यक्षमा गोपी कार्की चयन भएका छन्।
सदस्यहरुमा गोपीनी आचार्य, दर्पन खड्का, सुवास पोखरेल, नवराज खड्का, सन्तोष खड्का, दिपेन्द्र कार्की, अर्जुन खड्का, अशोक पोखरेल, सुनिल खड्का र रमेश लामा रहेका छन्।
अधिवेशनमा समाजको प्रगति प्रतिवेदन, आर्थिक प्रतिवेदन प्रस्तुत गरि त्यसमा छलफल र सुझाव सहित अनुमोदन गरिएको निवर्तमान अध्यक्ष रोशन थापाले जानकारी दिए ।
कार्यक्रमका प्रमुख अतिथि जापानका लागि नेपाली राजदूत डा. दुर्गा बहादुर सुवेदीले समाजले गरेकाे सामाजिक कार्यकाे खुलेर प्रशंसा गरेका थिए । उनले समाजले जापान तथा नेपाली समाजका समाजिक क्षेत्रमा पुऱ्याएको साथ सहयोगले नेपालीहरुको भावनालाई एक बनाएको बताए ।
कार्यक्रममा सामाजिक क्षेत्रमा पुऱ्याएको योगदानको कदर गर्दै एनआरएनए जापानका उपाध्यक्ष सिद्धार्थ श्रेष्ठ, पत्रकार रामचन्द्र गिरी, कलाकार शर्मिला तामाङ, महेश खड्का लगायतलाई सम्मान गरिएको थियाे । सन् २०१६ मा स्थापना भएको दोलखा समाज जापानले जापानमा रहेका दोलखालीहरुलाई आवश्यकता अनुसारको साथ सहयोग गर्दै आइरहेको समाजकाे दाबी रहेकाे छ ।
