दीपक बोहराको शव श्रद्धाञ्जलीका लागि बालुवाटारमा राखियो

समाचार सुन्नुहोस : 

काठमाडौँ – पूर्वमन्त्री एवं राष्ट्रिय प्रजातन्त्र पार्टीका नेता दीपक बोहराको पार्थिव शरीर श्रद्धाञ्जलीका लागि बालुवाटारस्थित निवासमा राखिएको छ। रूपन्देही क्षेत्र नम्बर ३ बाट प्रतिनिधि सभा सदस्यमा निर्वाचित बोहराको मंगलबार बिहान काठमाडौंस्थित ओम अस्पतालमा निधन भएको हो।

राष्ट्रिय प्रजातन्त्र पार्टीका वरिष्ठ नेता समेत रहेका ७४ वर्षीया बोहरा २०७७ साल जेठमा कोरोना भाइरसबाट संक्रमित भएपछि अस्वस्थ थिए। कोरोना निको भए पनि पोष्ट कोभिडका असरहरूले उनको स्वास्थ्यमा जटिलता निम्त्याएको थियो। कोरोनापछिको घाँटी संक्रमणका कारण उनको स्वर बसेको थियो। यद्यपि, उनी २हजार ७९ को निर्वाचनको प्रतिस्पर्धामा उत्रिएर तत्कालीन गृहमन्त्री एवं कांग्रेस नेता बालकृष्ण खाणलाई पराजित गर्न सफल भएका थिए।