टोकियोमा चक्कु प्रहार गरी युवतीको हत्या

टोकियो – जपानको राजधानी टोकियोको शिन्जुकु वर्डस्थित सडकमा छुरा प्रहार गरी युवतीको हत्या गरिएको छ । मंगलबार बिहान करिब ९ः५० बजेतिर युवतीमाथि छुरा प्रहार भएको हो ।

प्रहरीकाअनुसार २० वर्षकी ती युवतीको घाँटी र छातीमा १३ सेन्टिमिटर लामो ‘सर्भाइवल नाइफ’ले आक्रमण गरिएको थियो । आक्रमणको समयमा युवती प्रत्यक्ष प्रसारण (लाइभस्ट्रिम) गरिरहेकी थिइन् । गम्भीर अवस्थामा अस्पताल पुर्‍याइएकी उनलाई चिकित्सकहरुले मृत घोषणा गरेका थिए ।

प्रहरीले घटनास्थलबाटै ४० वर्षको एक पुरुषलाई हत्या प्रयासको आशङ्कामा पक्राउ गरेको छ । पक्राउ परेका व्यक्तिले अनुसन्धानकर्ताहरूसँग आफ्नो हत्या गर्ने मनसाय नभएको बताएको टोकियो मेट्रोपोलिटन प्रहरीले उल्लेख गरेको छ ।