सुनचाँदीको मूल्यमा सामान्य गिरावट, तोलाको कति ?

समाचार सुन्नुहोस : 

काठमाडौँ – स्थानीय बजारमा सुन र चाँदीको मूल्यमा सामान्य गिरावट देखिएको छ। नेपाल सुनचाँदी व्यवसायी महासङ्घका अनुसार आज, सुनको मूल्य प्रतितोला पाँच सय रुपैयाँले घटेर एक लाख ६९ हजार नौ सय रुपैयाँ पुगेको छ। यसअघि सोमबार सुन प्रतितोला एक लाख ७० हजार चार सय रुपैयाँमा कारोबार भएको थियो।

त्यस्तै, चाँदीको मूल्यमा पनि गिरावट आएको छ। आज चाँदी प्रतितोला १५ रुपैयाँले घटेर एक हजार नौ सय ७० रुपैयाँमा कारोबार भइरहेको छ। आज अन्तर्राष्ट्रिय बजारमा प्रतिऔंस सुन दुई हजार आठ सय ९८ अमेरिकी डलरमा कारोबार भइरहेको छ।