सेयर बजार घट्ने क्रम अझै रोकिएन

समाचार सुन्नुहोस : 

काठमाडौँ – आज नेप्से परिसूचकमा दोहोरो अंकको गिरावट देखिएको छ। नेप्से ४६.३३ अंकले घटेर २७७२.१० अंकमा रोकिएको छ। आज ३१५ कम्पनीका २ करोड २७ लाख २६ हजार २८३ कित्ता सेयर किनबेच हुँदा कुल कारोबार रकम १० अर्ब ९ करोड ३६ लाख ५४ हजार १२९ रुपैयाँ पुगेको छ।

नेप्सेमा गिरावट आए पनि गार्डियन, आईसीएफसी फाइनान्स लिमिटेड डिबेन्चर र भुगोल इनर्जीका सेयर सर्किट लेभलमा कारोबार भएका छन्। कारोबार रकमको आधारमा हिमालयन रिइन्सुरेन्स अग्रस्थानमा रह्यो। हिमालयन रिइन्सुरेन्स को १ अर्ब १२ करोड ४८ लाख रुपैयाँभन्दा बढीको सेयर किनबेच भएको छ।

आज सबै समूहका सूचक ओरालो लागेको छ। गत हप्ता आइतबार नेप्से परिसूचकमा वृद्धि भए पनि त्यसपछि लगातार गिरावट आइरहेको छ।