थाइल्यान्डमा अलपत्र पारिएका २० नेपालीको उद्धार

समाचार सुन्नुहोस : 

काठमाडौँ – थाइल्यान्डमा अलपत्र परेका २० जना नेपालीको सफल उद्धार गरिएको छ। आकर्षक रोजगारीको लोभ देखाई भारतको नयाँ दिल्ली हुँदै पलाउ पठाउने योजनासहित थाइल्यान्ड पुर्‍याइएका ती नेपालीलाई उद्धार गरिएको थाइल्यान्डस्थित नेपाली दूतावासले जनाएको छ। दूतावासका अनुसार उद्धार गरिएका नेपालीलाई आजै नेपाल फर्काइएको छ।

दूतावासले विदेश जाने नेपालीलाई नेपाल सरकारले तोकेका मापदण्डअनुसार श्रम स्वीकृति लिएर मात्र वैदेशिक रोजगारीमा जान आग्रह गरेको छ। साथै, छिटो धेरै पैसा कमाउने आशामा अवैधानिक रूपमा कम्बोडिया, लाओस, म्यानमार, थाइल्यान्डजस्ता मुलुकमा नजान अनुरोध गरेको छ।