नयाँ गभर्नर नियुक्त गर्न समिति बनाउने मन्त्रिपरिषद्को निर्णय

समाचार सुन्नुहोस : 

काठमाडौँ – सरकारले नेपाल राष्ट्र बैंकको नयाँ गभर्नर नियुक्त गर्न सिफारिस समिति गठन गर्ने निर्णय गरेको छ। बुधबार साँझ बालुवाटारमा बसेको मन्त्रिपरिषद् बैठकले नयाँ गभर्नर नियुक्तिको प्रक्रिया अघि बढाउन अर्थ मन्त्रालयलाई स्वीकृति प्रदान गरेको छ।

हालका गभर्नर महाप्रसाद अधिकारीको पाँच वर्षे कार्यकाल यही चैत २४ गते पूरा हुन लागेकाले सरकारले नयाँ गभर्नर चयन प्रक्रिया सुरू गरेको हो। सिफारिस समिति अर्थमन्त्रीको संयोजकत्वमा रहनेछ। यसबीच, सम्भावित उम्मेदवारहरू गभर्नर पदका लागि सक्रिय रूपमा दौडधुप गरिरहेको बताइन्छ।