टोकियो – जापानको राजधानी टोकियो नजिक नर्सरी विद्यालयमा अशोभनीय घटना भएको तथ्य खुलेको छ । नर्सरी विद्यालयका निर्देशकले बालकको पानीको बोतलमा पिसाब हालेको घटना बाहिरिएको हो ।
यस घटनालाई सम्पत्तिमा क्षति पुर्याउने अपराध अन्तर्गत अनुसन्धान गरिएको स्थानीय प्रहरीले बुधबार जनाएको छ । २४ वर्षीय तोशिफुमी मियुरा पक्राउ परेका छन् र उनले आरोप स्वीकार गर्दै भनेका छन् कि आफूले बालकलाई ‘डर देखाएर’ आफ्नो आदेश मान्न बाध्य पार्न खोजेको थियो । बालकले त्यो बोतलबाट पानी पिए/नपिएको भने अझै पत्ता लगाएको छैन ।
बालककी आमाले उनलाई घर लगेर फर्किएपछि बोतलमा पहेँलो पदार्थ देखेपछि प्रहरीलाई खबर गरेकी थिइन्। प्रहरीले मियुराले अन्य बालबालिकालाई पनि यस्तै व्यवहार गरेका थिए कि भनेर थप अनुसन्धान गरिरहेको छ ।
मियुराले सोमबार बिहान १०:१५ देखि दिउँसो २:३० बजेको बीचमा बोतलमा पिसाब हालेको आरोप छ । नगर प्रशासनका अनुसार उक्त नर्सरी विद्यालयमा २ वर्षसम्मका बालबालिका रहने गर्छन् । घटनापछि विद्यालय बुधबारदेखि गरिएको छ ।
