कुलमानको कार्यसम्पादनमा शून्य अंक दिएको भन्दै संसद्मा माओवादीको आपत्ति

समाचार सुन्नुहोस : 

काठमाडौँ – माओवादीका प्रमुख सचेतक हितराज पाण्डेले नेपाल विद्युत् प्राधिकरणका कार्यकारी निर्देशक कुलमान घिसिङको कार्यसम्पादन मूल्याङ्कनमा शून्य अंक दिइएको भन्दै असन्तोष व्यक्त गरेका छन्।

बुधबारको प्रतिनिधिसभा बैठकमा उनले सरकारलाई घिसिङलाई पटक–पटक स्पष्टिकरण सोधिएको विषयमा ध्यानाकर्षण गराए। उनले घिसिङले विद्युत् प्राधिकरणलाई नाफामा लैजान महत्वपूर्ण भूमिका खेलेको उल्लेख गर्दै सरकार अनुचित रूपमा उनलाई पछ्याइरहेको आरोप लगाए।

उनले भने, ‘सधैं कर उठाउने विषयमा रोकावट आउने गरेको छ, सरकारले यस्तो नहोस्। यसबारे सरकारलाई स्पष्ट निर्देशन दिन अनुरोध गर्छु।’ साथै, उनले सरकारले उद्योगहरूको बक्यौता उठाउन अवरोध गरिरहेको दाबी गर्दै सभामुखसँग यसबारे निर्णय दिन माग गरेका छन्।