सुनचाँदीको मूल्य बढ्यो

समाचार सुन्नुहोस : 

काठमाडौँ – आज सुनचाँदीको मूल्य वृद्धि भएको छ। सुनको मूल्य प्रतितोला १,४०० रुपैयाँले बढ्दा चाँदीको मूल्य २५ रुपैयाँले बढेको छ। नेपाल सुनचाँदी व्यवसायी महासंघका अनुसार सोमबार प्रतितोला १,६८,१०० रुपैयाँमा कारोबार भएको सुन आज बढेर १,६९,५०० रुपैयाँ पुगेको छ।

त्यस्तै, चाँदीको मूल्य प्रतितोला १,९४० रुपैयाँ निर्धारण गरिएको छ। अन्तर्राष्ट्रिय बजारमा समेत सुनको मूल्यमा वृद्धि देखिएको छ। जहाँ सुन प्रतिऔंस करिब २,८९२ अमेरिकी डलरमा कारोबार भइरहेको छ।