भूमिसम्बन्धी अध्यादेशबाट पछि हट्यो सरकार

समाचार सुन्नुहोस : 

काठमाडौँ – सत्तापक्षले भूमिसम्बन्धी अध्यादेश संसद्मा निर्णायक रूपमा पेस गर्ने योजना स्थगित गरेको छ। राष्ट्रियसभाबाट पारित गर्ने वातावरण नबनेपछि सरकारले उक्त अध्यादेशलाई अगाडि नबढाउने निर्णय गरेको हो।

नेपाली कांग्रेसका प्रमुख सचेतक श्याम घिमिरेका अनुसार बुधबारको संसद् बैठकमा भूमिसम्बन्धी अध्यादेशबाहेक अन्य पाँच अध्यादेश मात्र पेस गरिनेछ। उनले सहमति जुटाउने प्रयास जारी रहे पनि सहमति नजुटेमा अध्यादेशलाई विधेयकका रूपमा अघि बढाउने जानकारी दिए।

भूमिसम्बन्धी अध्यादेशबारे सत्ता साझेदार जनता समाजवादी पार्टी (जसपा) नेपालभित्रै मतभेद रहेको छ। उपेन्द्र यादव नेतृत्वको जसपाले समर्थन नजनाएपछि राष्ट्रियसभामा सत्तापक्षको बहुमत नपुग्ने अवस्था सिर्जना भएको हो। जसका कारण सरकार पछि हट्न बाध्य भएको हो।