हर्टअट्याक भएपछि पूर्वयुवराज पारस शाह अस्पताल भर्ना

समाचार सुन्नुहोस : 

काठमाडौँ – पूर्वयुवराज पारस शाहलाई हृदयाघात भएपछि अस्पताल भर्ना गरिएको छ। आइतबार साँझ हर्टअट्याक आएपछि उनलाई थापाथलीस्थित नर्भिक अस्पतालमा लगिएको हो।

अस्पताल स्रोतका अनुसार पारस शाहको स्वास्थ्य अवस्था अहिले सुधारोन्मुख रहेको छ र उनी खतरामुक्त छन्। उनलाई भेट्न उनकी आमा पूर्वरानी कोमल शाह, पत्नी पूर्वयुवराज्ञी हिमानी शाह र बहिनी प्रेरणा अस्पताल पुगेका छन्। तर, पूर्वराजा ज्ञानेन्द्र शाह पोखरामा कार्यक्रम भएकाले काठमाडौँ आउन सकेका छैनन्।

यसअघि पनि पारस शाहको मुटुमा समस्या देखिएको थियो।