उत्तरपूर्वी जापानमा तीन दशकको ठूलो डढेलो

टोकियो – जापानको उत्तर क्षेत्रमा ठूलो जङ्गलको आगोको कारण हजारौं व्यक्तिहरूलाई स्थानान्तरण गर्नु परेको छ, जुन तीन दशकमा देशमा लागेको सबैभन्दा ठूलो आगो हो ।

यो आगोले कम्तीमा एक जनाको ज्यान लिएको अधिकारीहरूले जानकारी दिएका छन् । इवाते प्रिफेक्चरसको ओफुनातो शहर आसपासका क्षेत्रमा लगभग २ हजार मानिसहरू आफ्ना साथीहरू वा आफन्तको घरमा शरण लिएर बाहिर गएका छन् । जबकि १२ सयभन्दा बढी मानिसहरूले शरण स्थलहरूमा शरण लिएका छन् ।

‘हामी अझै प्रभावित क्षेत्रको आकार जाँचिरहेका छौं, तर यो १९९२ को कुसिरो, होक्काइडो को जङ्गलको आगो पछिको सबैभन्दा ठूलो आगो हो,’ विपत्ति व्यवस्थापन एजेन्सीका प्रवक्ताले भने । केही रिपोर्टहरूले आगोले १८ सय हेक्टरभन्दा बढी क्षेत्रफल ओगटेको अनुमान गरेका छन् ।

८० भन्दा बढी भवनहरू नष्ट भएका छन् । लगभग १७ सय दमकल कर्मचारीहरू देशभरबाट खटिएका छन् । फेब्रुअरीदेखि अप्रिलसम्मको अवधिमा आगलागीका घटना बढी हुने गरेका छन् ।