गुल्मेली समाज जापान क्षेत्रीय समिति च्युबु क्षेत्रको दोस्रो अधिवेशन बिहीबार

टोकियो – गुल्मेली समाज जापान क्षेत्रीय समिति च्युबु क्षेत्र (नागोया) ले आफ्नो दोस्रो अधिवेशन गर्दैछ । अधिवेशन आगामी फेब्रुअरी २७ तारिख बिहीबारका दिन आयोजना गर्ने भएको हो ।

अधिवेशन दियालो रेस्टुरेन्ट (Nagoyashi nakaku choyoda 2-15-17, Gate No: 1) मा दिउँसो २ बजेबाट सुरु हुने समाजका अध्यक्ष गोबिन्द प्रसाद भुसालले जानकारी  दिए । समाजले सबै गुल्मीबासीहरूलाई कार्यक्रममा उपस्थित भई अधिवेशनलाई सफल बनाउन अनुरोध गरेको छ ।

गुल्मेली समाज जापानले प्रवासमा रहेका गुल्मीबासीहरूबीच आपसी सद्भाव, सहयोग र एकताको सन्देश फैलाउने उद्देश्य राख्दै विभिन्न गतिविधि सञ्चालन गर्दै आएको छ । अधिवेशनले समाजलाई थप सशक्त बनाउन महत्वपूर्ण भूमिका खेल्ने अपेक्षा गरिएको छ ।