टोकियो – अवैध रूपमा बसोबास गर्ने आप्रवासीहरूलाई कारबाही गर्ने अभियान जापानले थप कडा बनाएको छ । विभिन्न भिसामा जापान प्रवेश गरी ‘ओभर स्टे’ गर्नेहरूलाई सरकारले निगरानी बढाएको छ, जसको प्रभाव नेपाली आप्रवासीहरूमा पनि देखिन थालेको छ ।
हालै मात्र, जापानको अध्यागमन कानुन उल्लंघन गरेको आरोपमा दुई नेपालीलाई स्वदेश फर्काइएको छ । बुढाथोकी र ढकाल थरका ती दुई पुरुषलाई कोरियन एयरमार्फत नेपाल पठाइएको स्रोतले जनाएको छ । कानुन उल्लंघनको विस्तृत विवरण भने सार्वजनिक गरिएको छैन ।
यसअघि पनि जापानले अध्यागमन कानुन उल्लंघन गर्ने चार नेपालीलाई निष्काशन गरिसकेको थियो । हाल जापानसहित अमेरिका, मलेसिया, क्यानडा, फ्रान्स, माल्दिभ्स, दक्षिण कोरिया लगायतका मुलुकहरूले विदेशी आप्रवासीहरूमाथि कडाइ गर्दै आएका छन् । यसबाट धेरै नेपालीहरू पनि प्रभावित भइरहेका छन् ।
विदेशी भूमिमा बसोबास गर्दा त्यहाँको कानुन पालना गर्न विज्ञहरूले सुझाव दिएका छ न्। पछिल्ला घटनाहरूले विदेशमा बस्ने नेपालीहरूलाई कानुनी प्रक्रियामा सचेत रहनुपर्ने आवश्यकता देखिएको छ ।
