एनपीएल फाइनल आज : उपाधिका लागि जनकपुर र सुदूरपश्चिम भिड्दै

समाचार सुन्नुहोस : 

काठमाडौँ – नेपाल प्रिमियर लिग (एनपीएल) क्रिकेटको फाइनल भिडन्त आज सुदूरपश्चिम रोयल्स र जनकपुर बोल्ट्सबीच हुँदैछ। दुवै टोली फाइनल खेलका लागि कीर्तिपुरस्थित त्रिवि क्रिकेट मैदानमा दिउँसो १२:३० बजे आमनेसामने हुनेछन्।

जनकपुर बोल्ट्सले दोस्रो क्वालिफायर खेलमा कर्णाली याक्सलाई दुई विकेटले पराजित गर्दै फाइनलमा आफ्नो स्थान पक्का गरेको हो। कर्णालीले प्रस्तुत गरेको ११९ रनको झिनो लक्ष्य जनकपुरले १८.५ ओभरमा ८ विकेट गुमाउँदै पूरा गरेको थियो।

जनकपुर यसअघि पहिलो क्वालिफायरमा सुदूरपश्चिमसँग पराजित भएको थियो। तर, दोस्रो अवसरमा जित निकाल्दै फेरि सुदूरपश्चिमसँग उपाधि जित्न निर्णायक भिडन्तका लागि पुगेको छ।