‘पूर्ण बहादुरको सारङ्गी’ हलबाट उतार्ने निर्णय

काठमाडौं – चलचित्र ‘पूर्ण बहादुरको सारङ्गी’ सोमबारबाट प्रदर्शन नहुने भएको छ । निर्माणपक्षले विज्ञप्ति जारी गर्दै सोमबारबाट नेपालभरका हलबाट चलचित्र उतार्ने निर्णय गरेको हो ।

हलहरूले नजरअन्दाज गरेको भन्दै सेभेन सिस सिनेमाले हलबाट सिनेमा उतार्ने बताएको छ । दक्षिण भारतीय चलचित्र ‘पुष्पा-२’ रिलिज भएपछि अधिकांश हलले ‘पूर्ण बहादुरको सारङ्गी’लाई कम शो दिएकोप्रति विज्ञप्तिमा संकेत गरिएको छ ।

विज्ञप्तिमा स्पष्ट नखुलाए पनि ‘पूर्ण बहादुरको सारङ्गी’का निर्माता विनोद पौडेलले सामाजिक सञ्जाल फेसबुकमा भने हिन्दी सिनेमा आएपछि आफ्नो चलचित्रलाई हल नदिइएको र दिएका हलको सिट क्षमता पनि न्यून रहेको बताएका छन् । कात्तिक १५ गते रिलिज भएको चलचित्र ‘पूर्ण बहादुरको सारङ्गी’ले नेपालमा रेकर्ड ब्रेकिङ कलेक्सन गरिसकेको छ ।