पुष्पा २ को ‘किसिक’ गीत सार्वजनिक (भिडिओ)

काठमाडौँ – दक्षिण भारतीय फिल्म ‘पुष्पा २‘ को गीत सार्वजनिक गरिएको छ। अभिनेता अल्लु अर्जुन र अभिनेत्री रश्मिका मन्दना अभिनीत यस फिल्मको ‘किसिक’ शीर्षकको लिरिकल गीत निर्माण टोलीले दर्शकमाझ ल्याएको हो।

लोथिका र सुबलाशिनीको आवाजमा रहेको गीतमा डीएसपीले संगीत भरेका छन्। यो फिल्मको पहिलो भागलाई ‘पुष्पाः द राइज’ र दोस्रो भागलाई ‘पुष्पाः द रूल’ नाम दिइएको छ। पहिलो भागको अन्त्यले सिर्जना गरेको रोमाञ्चक मोडले दर्शकको उत्सुकता बढाएको छ।

सुकुमार निर्देशित यो फिल्ममा अल्लु अर्जुन, रश्मिका मन्दना र फहद फासिल मुख्य भूमिकामा छन्। ‘पुष्पा २’ बाट बक्स अफिसमा राम्रो नतिजाको अपेक्षा गरिएको छ। यस फिल्मलाई आगामी डिसेम्बर ५ बाट प्रदर्शनमा ल्याउने तयारी भइरहेको छ।