उपाधि जित्न नसकेपनि नेपाली चेलीले उत्कृष्ट खेले : प्रधानमन्त्री

काठमाडौं – प्रधानमन्त्री केपी शर्मा ओलीले साफ महिला च्याम्पियनसिपको उपाधि जित्न नसकेपनि नेपाली खेलाडीले उत्कृष्ट खेलेको बताएका छन् । नेपाल र बंगलादेशबीचको खेल हेर्न रंगशाला पुगेका उनले सामाजिक सञ्जाल फेसबुकमार्फत यस्तो बताएको हुन् ।

प्रधानमन्त्री ओलीले अब टोलीको मेहनत अर्को खेल जित्नेगरी हुने बताए । ‘साफ महिला च्याम्पियनसिप फुटबलको उपाधि जित्न नसके पनि नेपाली खेलाडीले उत्कृष्ट खेले । हाम्रो मेहनत अब अर्को खेल जित्नेगरी हुनेछ । धन्यवाद नेपाली टोली,’ ओलीले लेखेका छन् ।

बुधबार त्रिपुरेश्वरस्थित दशरथ रंगशालामा भएको फाइनलमा नेपाल बंगलादेशसँग पराजित भएको थियो । नेपाल बंगलादेशसँग २१ ले स्तब्ध भएको हो ।