फेरि काठमाडौं-कुवेत उडान गर्दै हिमालय एयरलाइन्स

काठमाडाैं – हिमालय एयरलाइन्सले आगामी भदौ ४ देखि काठमाडौं-कुवेतमा पुनः उडान गर्ने भएको छ । कुवेतमा रहेका नेपालीहरूको मागलाई सम्बोधन गर्दै एयरलाइन्सले पुनः उडानको तयारी थालेको हो ।

एयरलाइन्सले सुरूमा सातामा एउटा काठमाडौं-कुवेत-काठमाडौं उडान गर्ने बताएकाे छ । तर, माग बढी भएमा उडान थप्ने कम्पनीको योजना छ ।

उडानले दुई राष्ट्रका नागरिकबीचको सम्बन्धलाई मजबुत बनाउने, पर्यटन र व्यापारलाई प्रवर्दन गर्ने विश्वास कम्पनीले लिएकाे छ ।