टाेकियाे – जापान विश्वविद्यालयले अलजाइमर समस्याविरुद्ध औषधि प्रभावकारी बनेको दाबी गरेको छ । जापानको यमागाता विश्वविद्यालयले शुक्रबार अलजाइमर र लाउ गेहरिज रोगको रुपमा चिनिने एमिओट्रोफिक लेटरल स्क्लेरोसिस पीडितविरुद्ध औषधि प्रभावकारी बनेको दाबी गरेको हो ।
सो समस्याविरुद्ध औषधि बन्दै गरेको र औषधिको नाम भने तत्काल नखुलाउने विश्वविद्यालयका रिसर्चरहरुले बताएका छन् । अल्जाइमरलगायत समस्याबाट पीडित हास्न, बोल्न, हिँडडुल गर्न र मानसिक रुपमा तन्दरुस्त नभएका बिरामीमा असामान्य रुपमा जमेको प्रोटिनविरुद्ध उपचार गर्न सो औषधि प्रभावकारी बनेको यामागाता नेसनल हस्पिटल एलएस रिसर्च सेन्टरका प्रमुख ताकेको कातोले क्योडो न्युजसँग बताएका छन् ।
सो समस्याविरुद्ध आफूहरुले गरेको परिक्षण सफल भएको उनले बताएका छन् । यद्यपि, सो औषधि भने सन् २०२४ देखि बजारमा उपलब्ध हुने आश्वासनसमेत उनले दिएका छन् । मिसुविसि तानावे फर्माको अध्ययनअनुसार हाल जापानमा करिब १० हजार मानिस अल्जाइमर र एमिओट्रोफिक लेटरल स्क्लेरोसिस नामक नयाँ रोगबाट पीडित छन् ।
