पाकिस्तानमा पनि टिकटक प्रतिबन्ध, यस्तो छ कारण

काठमाडौं – भिडियो सेयरिङ एप टिकटकमा पाकिस्तानले पनि प्रतिबन्ध लगाएको छ । पाकिस्तान दूर सञ्चार प्राधिकरण(पिटिए) ले शुक्रबार टिकटकमा प्रतिबन्ध लगाउने निर्णय गरेको हो ।

भारत/अमेरिकाले जस्तो चिनियाँ एप भएका कारण भने पाकिस्तानले प्रतिबन्ध लगाएको होइन् । टिकटकमा आएका अनैतिक र अश्लील भिडियो छनोट गर्न कठिन भएकाले प्रतिबन्ध लगाएको पाकिस्तान सरकारको भनाइ छ । पिटिएका अनुसार टिकटकमा धेरै अनैतिक र अश्लील सामग्री आएको भन्दै धेरै गुनासो आएपछि प्रतिबन्ध लगाउने निर्णय गरिएको हो ।

टिकटकले यस्ता खालका प्रतिबन्धित सामग्रीलाई नियन्त्रण गर्ने तरिका अपनाएको खण्डमा प्रतिबन्ध हटाउन सकिने पिटिएले जानकारी दिएको छ । भारत र अमेरिकाले भने टिकटक चिनियाँ एप भएकाले राष्ट्रिय सुरक्षामा खतरा हुने दावी गर्दै यसमाथि प्रतिबन्ध लगाएका हुन् ।