काठमाडौं – हामी देख्न सक्छौं अधिकांश आँखा नदेख्ने मानिसहरुले आँखामा कालो चस्मा लगाउने गर्दछन् । कालो चस्मा लगाएको र हातमा सेतो छडी बोकेको मानिसलाई देख्ने वित्तिकै हामी आँखा नदेख्ने मानिसको रुपमा चिन्ने गर्दछौं ।
यो अहिले त एउटा पहिचान नै भईसकेको छ । तर, यसको कारण खोज्दै जाँदा यसको बैज्ञानिक आधार समेत भेट्न सकिन्छ । यद्यपि आँखा नदेख्ने मानिसहरुले कालो चस्मा नै लगाउने कारण तल दिइएको छ ।
देख्ने क्षमता बढाउनको लागि
धेरैलाई जानकारी नहुनसक्छ आखा नदेख्नेहरुले पनि १०० प्रतिशत आँखा देख्दै नदेख्ने भने होइन । उनीहरु न्यूनतम सूर्यको किरणबाट पनि दृश्य तथा संकेतहरुलाई सम्झन सक्दछन् । बैज्ञानिक अनुसन्धानहरुका अनुसार हामीले आखा नदेख्ने भनेर भनिएकाहरुको आँखाको दृष्टि क्षमता २०/२०० भन्दा कम हुने गर्दछ ।
अर्थात् सामान्य मानिसहरुले २०० फिट पर कुनै बस्तुलाई जसरी देख्न सक्दछ । उनीहरुले २० फिट पर त्यसैगरी देख्न सक्दछन् । वा उनको भिज्युअल फिल्ड २० डिग्री या त्यो भन्दा कम हुन्छ । प्राय उनीहरुमा केही हदसम्म सहायक दृष्टि पनि हुन्छ जसका कारण उनीहरुले आसपासको बस्तुहरुको आकृति बनाउन सक्दछन् । उनीहरुको भिज्युअल फिल्ड कम हुने कारणले पनि उनीहरु कमजोर जोनमा ठीक रुपले देख्न सक्दछन् यद्यपि टाढाको बस्तु देख्न सक्दैनन् ।
आँखाको विशेष सुरक्षाको लागि
अर्को मूल कुरा भनेको उनीहरुले आँखाको सुरक्षाको लागि हो । प्राय: हामीहरुको सबै सूर्यको प्रकाश अर्थात् गर्मी या सूर्यको किरणबाट आफ्नो आँखालाई बचाउनका लागि यस्तो चस्माहरु प्रयोग गर्दछौं । उनीहरु पनि त्यसैको लागि यस्तो चस्मा लगाउने गर्दछन् ।
सामान्य मानिसहरुको कुरा गर्ने हो भने प्रत्यक्ष सूर्यको किरणको प्रभावबाट सजिलै बच्न सकिन्छ । जस्तो कि हात आँखाको डिलमा राखेर होस् या जसरी पनि हामीहरु आँखाको सुरक्षा गर्दछौं । तर, उनीहरुले सूर्यको प्रकाशको प्रत्यक्ष प्रभावबारे अनुभव गर्न नसक्ने भएकोले उनीहरु पहिले नै कालो चस्मा लगाउँछन् ।
यस बाहेक पनि यो उनीहरुको पहिचान नै भइसकेकोले आफूलाई चिनाउनको लागि पनि यस्तो लगाउने गर्दछन् । यसका अलावा आसपासको वातावरणमा मौजूद धुलो, पत्थर या फोहोरद्वारा, सामान्य मानिसहरु भन्दा पनि उनीहरुको आँखामा खतरा रहन्छ । ***
